El Corte Inglés presentou este mércores ante o Ministerio de Traballo un Expediente de Regulación Temporal de Emprego (Erte) que afectará a uns 22.000 traballadores, informou este mércores a compañía.
A medida terá unha duración de 14 días a contar desde a publicación do decreto que establecía o estado de alarma e a súa prolongación dependerá do que dure a actual situación.
Deste xeito, El Corte Inglés acóllese ás medidas habilitadas polo Goberno e recollidas no Real Decreto 463/2020 de 14 de marzo, no que se declara o estado de alarma con motivo da crise sanitaria ocasionada polo Covid-19.
El Corte Inglés, que conta con dous grandes almacéns en A Coruña, un en Santiago e outro en Vigo, adopta esta medida por causa de forza maior e co obxectivo de manter o emprego, asegura a compañía.
