A economía española creceu un 16,7 % nos meses de verán pola volta á actividade tras uns meses de confinamento estrito que provocaron unha contracción histórica no segundo trimestre do 17,8 %, segundo adiantou este venres o Instituto Nacional de Estadística (Ine).
A demanda nacional (consumo e investimento) achegou 15 puntos do crecemento trimestral, mentres que a demanda externa (exportacións e importacións) contribuíu con 1,7 puntos.
En comparación interanual, no entanto, o PIB caeu un 8,7 % respecto ao terceiro trimestre de 2019, aínda que a taxa é 12,8 puntos inferior á contracción do 21,5 % do trimestre precedente.
