Endesa axuda a 100 familias galegas a optimizar a súa factura de consumo eléctrico

Está en marcha a cuarta edición do programa de voluntariado enerxético
Generated by  IJG JPEG Library

A cuarta edición do Voluntariado Enerxético de Endesa e Fundación Endesa, en colaboración con Cruz Vermella e Ecodes, axudará a 100 familias galegas a optimizar a súa factura de consumo eléctrico a través de talleres de formación e asesoramento individualizado.

Nesta ocasión, apunta Endesa, o programa adaptouse ás circunstancias e desenvolverase a distancia para garantir a seguridade dos voluntarios e dos beneficiarios que participan nel. A pesar de que non terá o trato presencial de edicións anteriores, si haberá unha "estreita relación, comunicación e proximidade" entre os traballadores de Endesa que participan nesta acción social e as familias.

O programa contempla dous niveis de actuación: o primeiro, a formación a persoas vulnerables a través de talleres online, onde se ensinarán conceptos básicos para a optimización da factura e os hábitos de consumo eficiente no fogar. En segundo lugar, o asesoramento individual a familias, con entrevistas e orientación personalizada, onde se darán pautas no mesmo sentido que no primeiro nivel de actuación.

Comentarios