Hijos de Rivera conqueriu dous "importantes fitos" en 2018 ao alcanzar unha facturación de 507,8 millóns de euros e derrubar a barreira dos 300 millóns de litros de cervexa producidos ao crecer un 11% en termos interanuais (308,8 millóns de litros).
Cun beneficio consolidado de 66,3 millóns, unha cifra que recolle un incremento do 21,6%, o conselleiro delegado, Ignacio Rivera, anunciou este luns en rolda de prensa na Coruña o inicio do novo plan estratéxico 2019/2021 con investimentos por 300 millóns “como mínimo”, para seguir crecendo en Galicia e impulsar a internacionalización coa idea de que os mercados exteriores dupliquen a súa achega ás vendas.
Á marxe do tirón do negocio da cervexa, tamén creceu o da auga, posto que a compañía, que controla os mananciais de Cabreiroá (Verín), Fontarel (Andalucía) e Auga de Cuevas (Asturias), envasou un 8% máis, isto é, 184,9 millóns de litros.
Con. 1.087 traballadores, o 85% con contrato indefinido, a actividade do grupo supón o 1,3% do PIB galego ao achegar 2.155 millóns á economía española.
