Marta Alonso, nova directora do territorial noroeste de BBVA

Marta Alonso. EP
photo_camera Marta Alonso. EP
BBVA nomeou nova directora do territorial noroeste á bilbaína Marta Alonso. Licenciada en Dereito, diplomada en Económicas pola Universidade de Deusto e MBA polo Instituto de Empresa, a súa traxectoria na entidade arrinca en 1997, na área de banca de empresas. En 2011 incorporouse ao equipo de banca comercial no territorial norte como directora de zona de Biscaia e, xa en 2018, asumiu a dirección de zona de Bilbao.

Casada e cunha filla, farase cargo dunha división que abarca Asturias, Galicia e Castela e León e  manexa un volume de negocio de 45.000 millóns de euros, con máis dun millón de clientes. Substituirá no cargo á xixonesa Yolanda Martínez-Bajo, que pasa a asumir a área de talento e cultura de BBVA España.
 

Comentarios