O presidente do Goberno, Pedro Sánchez, recibirá este mércores pola mañá aos presidentes da CEOE e de Cepyme, Juan Rosell e Antonio Garamendi, e aos secretarios xerais de UXT e CC OO, Pepe Álvarez e Unai Sordo, para tratar os cambios en materia laboral que quere levar a cabo o Executivo.
Segundo confirmaron fontes da Moncloa, será a primeira toma de contacto do novo presidente cos axentes sociais, menos de dúas semanas logo de ser elixido, e previsiblemente abordarán as modificacións na reforma laboral que ten intención de facer o Executivo.
Durante o encontro, ao que posiblemente asistirá tamén a titular de Traballo, Magdalena Valerio, poderían tratar a evolución da negociación salarial que manteñen os axentes sociais e a reforma do sistema de pensións.
