A Tesourería da Seguridade Social permitirá recuperar ata un máximo de dous anos de cotización para determinados colectivos afectados pola crise económica e que deixaron de cotizar polo menos durante tres anos.
Desta forma queda reflectido no Real Decreto Lei para a revalorización das pensións públicas e outras medidas urxentes en materia social, laboral e de emprego que este sábado publica o Boletín Oficial do Estado (BOE) e que establece un Convenio especial para os afectados pola crise.
Segundo a disposición adicional vixésima novena do texto normativo, prevese o desenvolvemento dun regulamento que permita que aqueles que acrediten unha idade de entre os 35 e 43 anos, así como unha lagoa de cotización de polo menos tres anos entre o 2 de outubro de 2008 e o 1 de xullo de 2018, poidan subscribir un convenio especial coa Tesourería Xeral para a recuperación dun máximo de dous anos no período antes descrito.
Ditas cotizacións computarán exclusivamente aos efectos de incapacidade permanente, xubilación e morte e supervivencia, levándose a cabo nos termos que se determine reglamentariamente.
Por outra banda o real decreto lei tamén detalla a subida do 36 ao 40% da recarga sobre a cota empresarial para os contratos de duración igual ou inferior a cinco días e incide en que no cómputo dos períodos de cotización en contratos de curta duración cada día de traballo considerarase como 1,4 días de cotización, sen que en ningún caso poida computarse mensualmente un número de días maior que o que corresponda ao mes respectivo. No entanto, sinala que esta previsión non será de aplicación nos supostos de contratos a tempo parcial, de substitución a tempo parcial e contrato fixo-descontinuo.
Noutro sentido, a lei tamén fai referencia derrogación do complemento salarial mozo de 430 euros mensuais para mozos inscritos no sistema de garantía xuvenil con contrato para a formación e a aprendizaxe e especifica que quen a solicitaron antes da entrada en vigor desta lei e tivesen dereito a obtela, seguirana percibindo ata a finalización do contrato ao que está vinculada a súa concesión.
