viernes. 27.11.2020 |
El tiempo
viernes. 27.11.2020
El tiempo

Sony e NTT Docomo tamén cancelan a súa participación nun MWC que non agarda récords

Logotipo de Sony nun establecemento de Tokio. EFE
Logotipo de Sony nun establecemento de Tokio. EFE
Ata oito empresas tecnolóxicas déronse de baixa no congreso a causa do coronavirus

Ata oito empresas tecnolóxicas, que ocuparían o 10 % da superficie expositiva, cancelaron polo coronavirus a súa participación no Congreso Mundial de Móbiles (MWC) de Barcelona, que se mantén aínda que a organización xa admite que non se lograrán cifras marcas e que haberá que recalcular o seu impacto económico.

Mentres, o sector da restauración de Barcelona vive con preocupación as primeiras cancelacións que están a rexistrar os restaurantes da cidade para os días do Congreso de Móbiles, do mesmo xeito que lles ocorre aos hostaleiros da Cidade Condal, que no entanto aseguraron que é pronto para predicir as consecuencias.

O conselleiro de Políticas Dixitais da Generalitar, Jordi Puigneró, descartou este luns, en declaracións a RACC1, que estea sobre a mesa a posibilidade de cancelar ou atrasar o MWC, que está previsto que se celebre do 24 ao 27 de febreiro e que conta cuns 3.000 expositores. "O Mobile non colga dun fío", dixo. 

O impacto económico que se espera é duns 492 millóns de euros, ademais duns 14.000 empregos a tempo parcial, no caso de que estas cancelacións non teñan maior efecto.

As empresas que cancelaron a súa asistencia desde o pasado xoves son, por esta orde, LG, Ericsson, Nvidia, Amazon, Sony, NTT Docomo, Umidigi e Gigaset. As cinco últimas compañías son as que anularon a súa presenza no congreso este luns 

Todas elas ían ocupar ao redor de 12.000 metros cadrados (a que máis Ericsson con 6.000), dos 120.000 cos que conta o espazo expositivo do MWC . As firmas que non estarán en Barcelona aducen alegan motivos de seguridade polo coronavirus. 

Pola contra, Xiaomi enviou un comunicado para dicir que estará no congreso, e que o fará con empregados que estarían polo menos os últimos 14 días fóra de China. Xiaomi detallou que nesta feira lanzará os seus produtos.

"Se non houbese máis caídas grandes e se todo transcorrese como está previsto, o efecto destas baixas sería probablemente limitado", dixo a EFE o profesor de Tecnoloxía en EAE Business School, Ángel Barbero, quen engadiu que, pola contra, se houbese máis cancelacións "pódese dar unha situación de crise".

Trátase dunha feira á que acoden empresas de todo tipo, de infraestruturas, electrónica, operador, consultoras de negocio, recordou.

Neste evento, non só se presentan innovacións, senón que moitas firmas desenvolven o seu plan comercial do ano e esperan pechar contratos importantes.

China ten unha presenza relevante nesta feira, especialmente no que afecta á parte de infraestruturas: "Aquí móvense moitos contratos", explicou Barbero. 

Segundo dixo non se mediu a porcentaxe de persoas procedentes do xigante asiático que acudirán ao congreso, con máis de 100.000 visitantes. Con todo, "non é tanto o número de persoas que chegan de China, senón as que acoden para contactar con empresas que chegan deste país".

O presidente da Generalitat, Quim Torra, trasladou ao conselleiro delegado da organizadora do Congreso de Móbiles, GSMA, John Hoffman, o apoio do seu Goberno para conseguir que o MWC se celebre con normalidade, a pesar das cancelacións.

En 2019, o Mobile bateu unha marca de asistentes cuns 109.000 visitantes, procedentes de 198 países, dos que 7.900 eran directores executivos. Ademais, congregáronse en Barcelona 3.640 membros de medios de comunicación e analistas internacionais.

Dese groso de participantes, GSMA calcula que os que proceden de China son entre 5.000 e 6.000, dos que aínda se descoñece cantos optarán por non voar a Barcelona xa que firmas como Huawei e ZTE confirmaron que acudirán ao evento pero incrementarán a presenza do seu persoal de Europa en detrimento do procedente do país asiático. 

Sony e NTT Docomo tamén cancelan a súa participación nun MWC que...
comentarios