Uber España acordou esta semana co seu comité de empresa un Expediente de Regulación de Emprego (ERE) para despedir a 30 traballadores, un terzo do persoal coa que a opera a empresa de vehículos de transporte con condutor (VTC), confirmaron a Efe fontes da compañía.
A multinacional anunciou o pasado maio unhas perdas de 2.946 millóns de dólares entre xaneiro e marzo, o que coincidiu co inicio da pandemia mundial de Covid-19, e o despedimento de 3.700 empregados.
Doce días despois comunicou outros 3.000 despedimentos, que sumados os anteriores representaban o 25 % do persoal, e o peche de 45 das súas oficinas en todo o mundo.
En España, Uber opera cos seus vehículos compartidos en Madrid, Sevilla, Málaga, Granada, A Coruña e Bilbao.
