O vindeiro martes arrinca a campaña da renda

O prazo para presentar as declaracións terminará o 1 de xullo

Unha parella realizando a declaración da renda nunha oficina de Facenda. GONZALO GARCÍA
photo_camera Unha parella realizando a declaración da renda nunha oficina de Facenda. GONZALO GARCÍA

A campaña da renda e patrimonio do exercicio 2018 arrinca o martes 2 de abril e estenderase ata o 1 de xullo, de acordo ao calendario do contribuínte publicado pola Axencia Tributaria.

Os contribuíntes, que poden consultar os seus datos fiscais desde o pasado 15 de marzo, poderán presentar desde o martes a súa declaración de IRPF por internet ou por teléfono a través do plan "Le llamamos".

Quen opten por presentar a súa declaración de xeito presencial en oficinas terán que esperar ata o 9 de maio para solicitar a cita previa e ata o 14 de maio para ser atendidos. 

O prazo para presentar as declaracións terminará o 1 de xullo, salvo nos casos con resultado a ingresar que queiran domiciliarse, que terán que facerse antes do 26 de xuño. 

Os contribuíntes que queiran fraccionar o pago terán que realizar o segundo abono antes de 5 de novembro.

Comentarios