Un dos integrantes de 'A Manada', o policía local de Sevilla Ángel Boza, foi detido por tratar de roubar unhas lentes de sol nun centro comercial e tratar de atropelar co seu coche aos vixiantes de seguridade.
🔴#ÚLTIMAHORA: Policía Local de #Sevilla detiene a un miembro de #LaManada por intento de robo y agresión en un centro comercial de #Sevillahoy #StopBulos #PolicíaSevilla
— Emergencias Sevilla (@EmergenciasSev) 1 de agosto de 2018
Ampliaremos informacion pic.twitter.com/J9pILKtD0E
A detención produciuse pouco antes das 22.00 horas deste mércores por parte de axentes do Grupo Giralda (Policía Turística) da Policía Local de Sevilla, que interceptaron a Boza na Avenida Menéndez Pelayo da capital sevillana, cerca do centro comercial da barriada de Nervión, onde se produciron os feitos. Ángel Boza conducía un vehículo co que tratou de atropelar, presuntamente, a dous vixiantes do centro comercial que lle sorprenderon subtraendo unhas lentes de sol do establecemento.
PERSECUCIÓN. Os axentes de seguridade privada perseguiron a Boza ata os aparcadoiros do centro onde tiña estacionado o seu vehículo e, lonxe de atender as indicacións dos vixiantes, arremeteu co seu coche contra dous deles, que resultaron lesionados e precisarán asistencia médica, aínda que o seu estado non reviste gravidade.
Os responsables do centro comercial comunicaron o ocorrido ao Grupo Giralda da Policía Local, cuxos axentes localizaron o coche e a Ángel Boza circulando nas inmediacións dos Xardíns de Murillo, na citada avenida Menéndez Pelayo da capital.
O detido ten en vigor unha suspensión temporal do permiso de condución por un xulgado do Penal de Sevilla, o que supón a comisión ademais dun delito contra a seguridade viaria. Nestes momentos, atópase en dependencias policiais para a práctica das dilixencias oportunas
