Un home desprazouse desde Ponferrada a Ourense para agredir a outro individuo co que discutira a través das redes sociais varios días antes.
Os feitos ocorreron o 14 de novembro de 2015. Tras intercambiar insultos e ameazas a través de internet, o acusado chegou a Ourense e golpeouno "cunha barra ou obxecto similar", segundo consta no escrito do fiscal. A vítima estivo dous días hospitalizada e tardou 164 días en curarse das lesións causadas. Ademais, ao home tivo que retirárselle unha peza dentaria e unha miniplaca mandibular.
O fiscal pide unha pena de tres anos de prisión e unha indemnización á vítima de 9.380 euros polas lesións.
A vista do caso íase celebrar este mércores no Penal 1 de Ourense, pero finalmente suspendeuse ao non acudir ao xulgado todas as partes implicadas
