O ministro de Hacienda, Cristóbal Montoro, non entende a "obsesión polos títulos", segundo revela nunha entrevista ao ser preguntado pola polémica do máster da presidenta da Comunidade de Madrid, Cristina Cifuentes, expedido pola Universidade Rey Juan Carlos (URJC).
Segundo publica este luns o diario El Mundo, Montoro di: "Eu só teño un título. ¡Xa me gustaría ter máis!". O ministro engade que Cifuentes é "eficiente e leal". "Non temos tantas persoas coas súas condicións".
Lamenta que a convención do PP en Sevilla, dos pasados días 6, 7 e 8, quedase ensombrecida polo caso do máster de Cifuentes, aínda que recordou que xa pasou o mesmo en Palma en 2011, nese caso con Francisco Camps. "Entón a polémica era se Camps ía ou non. Ao final non foi".
