Permanente revisable para Patrick Nogueira, o descuartizador de Pioz

A defensa de Nogueira solicitaba 25 anos de cárcere alegando dano cerebral e arrebato

Patrick Nogueira na primeira xornada do xuízo polo crime de Pioz PEPE ZAMORA
photo_camera Patrick Nogueira, durante o xuízo. PEPE ZAMORA

Patrick Nogueira, autor confeso das mortes dos seus tíos Marco e Janaina e dos dous fillos menores da parella -dun e catro anos de idade- en agosto de 2016 na localidade alcarreña de Pioz, foi condenado á pena de prisión permanente revisable tras ser considerado autor de catro delitos de asasinato. 

En concreto, é condenado a prisión permanente revisable polos asasinatos dos dous menores e de seu tío, mentres que pola morte da súa tía, a primeira que acometeu, se lle impón 25 anos de prisión. 

En todos os casos, a sentenza considera que non hai circunstancias que modifiquen a responsabilidade penal de Nogueira. 

Así se desprende da sentenza da Audiencia Provincial de Guadalaxara lida en audiencia pública por María Elena Mayor Rodrigo, a maxistrada que presidiu o xuízo no que un xurado popular considerou a Nogueira culpable de dar morte de forma intencionada aos seus familiares. 

Nogueira, que escoitou o contido da sentenza por videoconferencia desde o cárcere de Estremera, someteuse a un xuízo que arrincou o pasado 24 de outubro e do que non se coñeceu o veredicto ata o 3 de novembro tras case dous días de deliberación por parte do xurado popular. 

Comentarios