O coordinador xeral do PP, Fernando Martínez-Maíllo, anunciou que o seu partido suspenderá este martes de militancia de forma cautelar ao expresidente da Generalitat e exministro Eduardo Zaplana, así como ás persoas que foron detidas e que sexan militantes do PP.
"É unha decisión drástica e difícil", recoñeceu Maíllo que avanzou que se trata dunha decisión a expensas do procedemento, aínda que cre que a detención xa reviste suficiente gravidade.
A Unidade Central Operativa (UCO) da Garda Civil detivo en Valencia a Eduardo Zaplana e outras seis persoas nunha operación contra o branqueo de capitais e a malversación de caudais públicos.
