Valeria Quer declarou este martes nun xulgado da localidade segoviana de Sepúlveda en relación coa denuncia que interpuxo un amigo seu por unha suposta agresión sexual.
A irmá pequena de Diana Quer, a moza por cuxo asasinato en Galicia será xulgado José Enrique Abuín, alias O Chicle, abandonou as dependencias xudiciais "moi afectada", segundo informa El Norte de Castilla.
A súa comparecencia está rodeado polo máis absoluto hermetismo xa que a maxistrada non quere que o caso adquira repercusión mediática para protexer á suposta vítima. Os familiares da moza arroupárona en todo momento, segundo o xornal máis vendido en Castela e León.