Yolanda Díaz deuse de baixa de Izquierda Unida no outono de 2019

Fontes da súa contorna vinculan a súa saída con desencontros coa organización federal de EU e descartan que aspire a liderar Podemos
A ministra de Traballo, Yolanda Díaz, durante a súa intervención na rolda de prensa posterior á reunión do Consello de Ministros. JUAN CARLOS HIDALGO (EFE)
photo_camera A ministra de Traballo, Yolanda Díaz. JUAN CARLOS HIDALGO (EFE)

A ministra de Traballo, Yolanda Díaz, deixou a militancia de Esquerda Unida no outono de 2019, e fíxoo por mor de varios desencontros coa dirección federal do seu partido, á fronte da cal está o agora ministro de Consumo, Alberto Garzón. Confirmárono este mércores fontes da contorna da galega, tras a publicación dunha información de El Confidencial.

A partir de aí, desvinculan a marcha de IU de Díaz, que coordinou durante máis dunha década Esquerda Unida, de ningunha aspiración por liderar Podemos. Remarcan de feito que segue afiliada ao PCE, que non forma parte da organización de Pablo Iglesias e que "nin moito menos" aspira a liderala. 

Segundo esas fontes, Díaz evitou facer pública a marcha de EU "por respecto á organización", nun intento de que non transcendesen as súas desavinzas con Garzón, quen mantivo unha posición distinta á do líder de Podemos durante a negociación co PSOE na investidura frustrada de Pedro Sánchez.

A pesar de militar en IU, Díaz sempre foi considerada unha persoa moi próxima a Pablo Iglesias, e, de feito, foi Podemos a forza que a propuxo como ministra en xaneiro, e non Izquierda Unida, que non a recoñeceu como a súa "cota" dentro do Executivo.

Iglesias traballou en 2012 como asesor da campaña para as autonómicas de Díaz, candidata entón da coalición de esquerdas na que se integrou Esquerda Unida, Alternativa Galega de Esquerda.

Comentarios