Galicia rexistra 2.977 casos activos de covid-19, 38 máis que o día anterior, nunha xornada na que ademais se rexistraron 204 contaxios novos, 49 menos que que o anterior rexistro.
Segundo os datos difundidos polo Sergas, ata as 18.00 horas do venres, había nas unidades de críticos dos hospitais galegos 43 pacientes (os mesmos que no anterior rexistro); mentres que nas habitacións hai ingresados 146 pacientes de covid-19: dez menos.
Desde o inicio da pandemia contaxiáronse en Galicia 121.015 persoas, curáronse 115.680 e faleceron 2.381; tras a notificación este venres de dous novos falecementos.
Ademais, realizáronse 2.000.080 probas PCR, 8.189 na última xornada e outras 2.539 serolóxicas, que elevan o número destas probas a 895.383.
Por áreas sanitarias, Vigo continúa á alza, con 843 casos (20 máis que o día anterior) e 67 contaxios novos por PCR (15 menos); seguida de A Coruña, que rexistra 729 casos activos (un máis) e suma 38 novos contaxios detectados por PCR (27 menos).
Na área de Pontevedra contabilízanse 469 casos (tres máis) e 22 novos contaxios (15 menos); mentres que Santiago suma 346 casos activos (sete máis) e 19 novos contaxios (tres máis).
Para rematar, Ourense contabiliza 265 casos (dous máis) e once novos contaxios (sete menos); Lugo rexistra 205 casos activos (cinco menos) e 13 novos contaxios (dous menos) e Ferrol suma 120 casos (dez máis) e 11 novos contaxios (un máis).
