A 43ª Feira Internacional Semana Verde de Galicia aprázase ata xuño de 2021

A incerteza creada polo coronavirus levou aos organizadores a tomar esta decisión 
silleda
photo_camera Vista dun dos pavillóns da Semana Verde nunha edición anterior

A Feira Internacional Abanca Semana Verde de Galicia decidiu pospor a 2021 a edición deste ano, prevista para a primeira semana de xuño no recinto feiral de Silleda.

Ante a "incerteza" xerada pola crise sanitaria do coronavirus, a Fundación Semana Verde acordou aprazar ao próximo ano a 43ª edición da feira, que terá lugar do 3 ao 6 de xuño de 2021.

A Fundación resalta que a decisión radica en motivos de "responsabilidade social e economómica" ante a urxencia sanitaria e empraza a centrar "esforzos en facer unha gran edición" da feira en 2021, ano Xacobeo e no que se cumpren 25 anos da inauguración do recinto de Silleda.

No comunicado, apuntan que a posibilidade de mover a cita a outra data este ano contaba cos inconvenientes da "incerteza" sobre a evolución da crise e que esta puidese ter impacto en que a feira, que o pasado ano tivo 128.000 visitantes, non puidese celebrarse "con normalidade".

Deste xeito, segundo a opinión solicitada entre as empresas, a Fundación sinala que estas cren que a súa participación estaría no aire ata o último momento, o que suporía un impacto na organización do evento.

Enerxétika 2020

Por outra banda, no mesmo comunicado, a Fundación Semana Verde tamén informa que a feira Enexética, prevista para medidados de marzo pero que tivo que ser suspendida, decidirá a nova data para a súa celebración "axiña que a situación realtiva á crise sanitaria normalícese".

Así, afirma que os expositores que confirmaran a súa presenza na feira trasladaron a súa intención de participar na cita nas novas datas que a organización decida.

Comentarios