Un condutor que protagonizou ao mediodía deste mércores un espectacular accidente na Avenida dos Deportes de Lugo, ao encaixar o seu coche contra un alpendre, decidiu abandonar o vehículo antes de que chegase a Policía Local e non acudiu á sede policial a identificarse como propietario do coche ata que pasaron varias horas do sinistro.
O suceso rexistrouse sobre as dúas da tarde do mércores cando o vehículo que conducía o home, un Volskwagen Golf matrícula 2876 DHH, saíuse da calzada, saltou á beirarrúa e acabou encaixado contra unha pequena edificación de bloque. Ao parecer, o vehículo estaba ocupado por varias persoas, que resultaron ilesas e abandonaron a zona deixando no lugar do accidente o vehículo.
Logo acudiuse a Policía Local e un guindastre para retirar o coche sinistrado.
