O sempre mediático Abel Caballero atópase nun dos seus momentos álxidos de popularidade grazas ás súas controvertidas declaracións sobre a iluminación do Nadal, un vídeo que se converteu en viral ás poucas horas. Ante o 'éxito' alcanzado por esa intervención —que para ben ou para mal non deixou a ninguén indiferente—, un estudo de Vigo tivo unha idea singular: ofrecer unha tatuaxe gratis do rexedor "100% apolítico".
"Independentemente da ideoloxía de cada un, cada vez que vexo ao noso alcalde-showman por televisión dándolle a Vigo máis prestixio que as maiores capitais do mundo pártome pola metade", explican desde a conta de Carbono Tattoo, que engade: "Creo que ninguén quere máis á nosa cidade que o noso amado líder, por iso fágolle a miña persoal homenaxe ofrecendo esta tatuaxe gratis a quen o queira".
Na tatuaxe en cuestión aparece o rostro riseiro do político socialista acompañado por un dos símbolos da súa xestión recente, o Dinoseto, e o famoso Sireno de Vigo, todo sobre a frase "Galán e cabaleiro". Para conseguilo só hai que escribir na páxina de Facebook do estudo e o último comentario publicado antes do martes 25 a medianoite levará a tatuaxe.
"Deille voltas a meter no deseño loces de nadal ou fogos artificiais, pero ao final non me convenceu a idea. XD", escribe o promotor da iniciativa, que cultivou máis dun centenar de reaccións.
