Un accidente de tráfico rexistrado este martes na AG-56, que une Santiago con Noia, deixou dúas persoas feridas e retencións quilométricas nun dos principais accesos á capital galega.
O sinistro produciuse antes das 08.00 horas, segundo informou persoal sanitario ao 112 Galicia. Catro vehículos colisonaron na AG-56, no punto quilométrico 1.900, á altura de Laraño.
Indicaron, ademais, que dúas persoas resultaron feridas, pero que non parecían revestir gravidade. Tras recibir o aviso, desde o 112 Galicia informouse da situación á Garda Civil de Tráfico, Bombeiros de Santiago e aos efectivos de Protección Civil.
