A sección cuarta da Audiencia Provincial de Pontevedra celebrou este martes a primeira sesión do xuízo por unha suposta agresión sexual ocorrida en Vilagarcía de Arousa, onde, segundo o relato da vítima, un home violouna aproveitando que estaba ebria logo de facer botellón.
No banco dos acusados sentan dous homes, un deles en concepto de autor dun delito de agresión sexual e o outro considerado como cooperador necesario.
O principal acusado asegurou ao tribunal que foron dúas relacións consentidas e incompletas no domicilio dun deles. O outro acusado tamén negou a acusación e afirmou que viu como os seus amigos mantiñan relacións porque el estaba deitado nunha cama niño ao seu lado.
Segundo sostivo na súa declaración, o segundo dos procesados recriminoulles a súa actitude porque lle estaban molestando e, ademais, ela estaba a enganar ao seu noivo.
O xuízo retomarase o vindeiro mércores 3 de abril
Con todo, a vítima asegura que o seu amigo a violou cando ela se atopaba baixo os efectos do alcol tras realizar botellón. Segundo declarou a moza ao tribunal, o presunto agresor comezou a espila mentres estaba durmida momento no que ela se espertou e pediulle que parase.
Pero, de acorde á súa versión, o acusado violouna mentres o outro a agarraba por un brazo para impedir que se resistise e incluso chegou a intentar forzar unha felación. A moza denunciou os feitos tres días máis tarde.
A Fiscalía pide unha pena de 14 anos de prisión para cada un dos acusados e que se lles prohiba aproximarse á vítima a menos de 250 metros e de comunicarse con ela por calquera medio, así como o pago dunha indemnización de 9.000 euros en concepto de danos morais.
O xuízo retomarase o vindeiro mércores 3 de abril.
