Alerta este xoves por neve na montaña e por ondas no litoral

Espéranse ondas de máis de cinco metros

Nieve en O Cebreiro, este miércoles. ELISEO TRIGO
photo_camera Neve no Cebreiro, este mércores. ELISEO TRIGO

Galicia vivirá un xoves de ceos cubertos, chuvascos tormentosos e granizadas. Ademais, a Dirección Xeral de Emerxencias e Interior activou a alerta laranxa a partir desde a madrugada que afectará a todo o litoral galego ao longo da xornada.


Este fenómeno meteorolóxico traerá consigo ondas de oeste a noroeste de cinco a seis metros, e arrincará a partir do mediodía nas provincias da Coruña e Pontevedra para estenderse a última hora da tarde ao litoral de Lugo. 

Emerxencias informou da situación ás diferentes entidades municipais e provinciais, ademais de servizos de Urxencias e de Protección Civil, entre outros, para que adopten as medidas de seguridade oportunas. 

Así mesmo, recoméndase evitar os diques e zonas de costa para previr eventuais golpes de mar, ademais de evitar as actividades pesqueiras e de marisqueo nas zonas máis perigosas. 

Neve na montaña
A montaña de Ourense e de Lugo permanecerá durante este xoves con aviso amarelo por acumulación de neve e o litoral galego por ondas de máis de cinco metros de altura.

Segundo o Boletín de tempo meteorolóxico con avisos publicado por Meteogalicia, recollido por Europa Press, a montana de Ourense e Lugo terá aviso amarelo todo o xoves por acumulacións de neve superiores aos cinco centímetros por encima dos mil metros.

 

Comentarios