En tempos de confinamento, a xuíza Pilar de Lara propúxose sacarlle un sorriso aos seus seguidores en Facebook. Acompañada do seu marido e xunto a súa inseparable guitarra, a maxistrada formou o Dúo Estático, unha chiscadela ao proxecto de Manuel de la Calva e Ramón Arcusa que popularizou Resistiré, canción que se converteu en todo un himno durante esta crise do coronavirus.
Desde "a resistencia lucense", a xuíza compartiu o luns a súa propia versión do hit do Dúo Dinámico. O éxito de crítica na rede social animou ao Dúo Estático a "atacar de novo". E o segundo tema lanzado en Facebook tamén vén moi ao caso: Perdido en mi habitación, de Mecano. Calquera iniciativa é boa para dobregar o hastío durante un peche obrigatorio.
A continuación deixámosche as dúas primeiras versións do Dúo Estático. Probablemente non serán as últimas.
► A versión do Dúo Dinámico: se non che deixa velo, fai clic aquí
