Amancio Ortega ten fama de home de ferro e evita as mostras de afecto en público. Este venres as cámaras cazárono en Casas Novas (Arteixo) abrazando e bicando á súa filla menor, Marta Ortega.
Foi durante o Concurso de Saltos Internacional que se celebra no centro hípico do dono de Inditex. Cara ao final da competición, Ortega apareceu nun coche e, nada máis baixar, foi directo cara á súa filla para darlle un forte abrazo, así como fixo co seu xenro, Carlos Torretta.