O portavoz parlamentario do PPdeG, Pedro Puy, cualificou este luns de "desafortunado" unha mensaxe nunha rede social por parte da representante do BNG no Parlamento europeo Ana Miranda achega do novo líder do PP, Pablo Casado.
A mensaxe indica: "A Pablo Casado deséxolle ir en patera no mar bravo, ou estar nunha cadea e que te mallen, ou violacións múltiples, ou torturas, ou andar descalzo horas cos pés sangrados, ou que che queimen a pel. O que pasan moitas persoas que fuxen pola vida. Non a este lepenismo marca Spain!".
A Pablo Casado deséxolle ir en patera no mar bravo, ou estar nunha cadea e que te mallen, ou violacións múltiples, ou torturas, ou andar descalzo horas cos pés sangrados, ou que te queimen a pel. O que pasan moitas persoas que fuxen pola vida. Non a este lepenismo marca Spain!
— Ana Miranda (@anamirandapaz) 29 de julio de 2018
Puy lamentou este texto "que se descualifica por se mesmo" e sinalou que "todos temos que evitar malos desexos a ninguén, desde o meu grupo non o desexamos iso a ninguén, milite onde milite".
Así, sinalou que a crise migratoria é unha "cuestión moi importante que afecta a toda Europa" e, por iso hai que ser coidados ao abordar este tema posto que pode carrexar "efectos de todo tipo".
É preciso xa que logo, "tratalo rigorosamente" para evitar a "aparición de forzas de extrema dereita", alertou o deputado e membro do PPdeG.
