As análises realizadas aos restos óseos achados a pasada fin de semana no municipio ourensán de Barbadás confirmaron que o cadáver pertence á moza Nerea Añel, que permanecía desparecida desde xaneiro pasado, segundo confirmaron fontes da Garda Civil.
O corpo, en avanzado estado de descomposición, foi localizado o pasado domingo por unha parella que paseaba cun can pola aldea abandonada de Os Muíños, en Barbadás. O estudo dos restos levado a cabo no Laboratorio de Criminalística da Dirección Xeral da Garda Civil en Madrid confirmou que se trata desa moza, de 26 anos de idade.
Os investigadores xa comunicaron á familia a identificación do corpo, aínda que se seguen realizando análise para determinar a causa do falecemento.
O cadáver de Nerea foi atopado a uns 400 metros dun motel onde, precisamente, en febreiro pasado realizáronse rastreos con cans da Policía Nacional, xa que a moza fora vista pola zona.
