martes. 10.12.2019 |
El tiempo
martes. 10.12.2019
El tiempo

Animalistas cargan contra a Xunta por permitir unha batida de raposos en Moaña

Campionato de caza de raposo celebrado en Dozón hai anos. BRANCA PAZ
Campionato de caza de raposo celebrado en Dozón hai anos. BRANCA PAZ
Libera! considera é unha "competición encuberta" para dar caza a unha especie que non xera danos na comarca

A asociación animalista Libera! criticou este xoves a batida prevista para este domingo en Moaña para matar raposos porque "carece de calquera aval científico" e baséase "en criterios subxectivos para contentar a unha ultraminoría de cazadores" por parte da Xunta.

Libera! considera esta batida "de características case masivas" unha "competición encuberta para dar caza a unha especie que nin dispón de censo poboacional nin xerou danos reconocibles na comarca recentemente".

Así, os defensores dos animais saúdan a mobilización veciñal fronte á intención dos cazadores de matar raposos. 

Libera! sinala directamente á Xunta, que ten a exclusividade competencial en materia cinexética na comunidade, e pide ao Concello de Moaña que verifique se esta cacería cumpre con todos os requisitos previstos na Lei de Caza e no seu respectivo regulamento, de 2001.

A asociación animalista conclúe asegurando que a caza do raposo en Galicia é unha práctica rexeitada socialmente, "como se evidenciou a comezos de ano con numerosas convocatorias de protesta en diferentes puntos da comunidade".

Animalistas cargan contra a Xunta por permitir unha batida de...
Comentarios