O corpo sen vida dun pescador coruñés que desaparecera foi recuperado este domingo polos socorristas da praia de Suevos, en Arteixo. Á vítima perdéraselle a pista horas antes. Un membro da súa familia chamou ao 112 ante a súa demora.
Pouco logo das tres da tarde activouse o protocolo para a posta en marcha por parte de Salvamento Marítimo da procura do desaparecido, un home de 67 anos que adoitaba ir pescar pola zona da Redonda.
Deste xeito, desprazouse ao lugar o helicóptero de Salvamento, o Helimer 401, e, por terra, acudiron os voluntarios de Protección Civil da Coruña.
Con todo, foi ao redor das 17.30 horas deste domingo cando os socorristas da Praia de Suevos localizaron o corpo do pescador flotando na auga.
