Axentes da Policía Nacional de Ourense detiveron a un home como presunto autor dun delito de resistencia e desobediencia a axentes que ían identificalo tras molestar a clientes nun bar. O individuo foi arrestado oito veces nun mes e medio por feitos similares.
Segundo informou a Policía Nacional, os feitos sucederon sobre as 17.00 horas do pasado 26 de maio cando se recibiu unha chamada á Sala 091 na que se comunicou que un individuo molestaba aos clientes dun bar da zona centro de Ourense.
Por iso, axentes do Grupo de Seguridade Cidadá dirixíronse ao lugar e entrevistáronse cunha persoa que lles comunicou que un home molestara á clientela. O individuo, destacou a Policía, é "coñecido no ámbito policial debido ás múltiples intervencións" porque "insulta a viandantes e clientes de locais na cidade", engadiu.
Os axentes mobilizados viron ao individuo e procederon a darlle o alto, pero o home continuou a marcha e escondeuse nun garaxe, onde o localizaron.
Un dos axentes actuantes esa mesma tarde lle levantou unha acta pola L.O.4/2015 por falta de respecto a axente da autoridade e negativa a identificarse
O home fixo "caso omiso ás indicacións policiais" e mostrou "unha resistencia activa", motivo polo que os policías procederon á súa detención e traslado a dependencias policiais para continuar as dilixencias.
SETE CHAMADAS. Desde as 11.00 horas da mañá desa xornada e ata o momento da detención, recibíronse sete chamadas á Sala 091 relacionadas co detido por accións nas que molestaba a viandantes ou clientes de locais, aos que chegou a insultar, ademais de entrar en bares e non pagar a consumición.
Un dos axentes actuantes esa mesma tarde lle levantou unha acta pola L.O.4/2015 por falta de respeto a axente da autoridade e negativa a identificarse, abundou a Policía Nacional.
O detido foi identificado como un home de 43 anos de idade, natural de Santander, ao que lle constan oito arrestos anteriores. Quedou en liberdade tras pasar a disposición xudicial.
