As altas presións moveranse cara ao norte e entrarán novamente en Galicia, achegando polo tanto estabilidade.
Desta forma, na xornada do luns haberá aínda algunhas nubes e néboas á primeira hora, pero agárdase en xeral un día de ceo pouco nubrado ou despexado.
As temperaturas da madrugada serán baixas, pero as máximas da tarde comezarán a ascender. Con todo, a sensación térmica da tarde quedará matizada polo vento que soprará do nordeste, moderado en xeral, incluso con refachos fortes no litoral da Coruña.
Máximas e mínimas
A Coruña 15º 22°, Ferrol 15° 23°, Lugo 12° 23°, Ourense 15° 31°, Pontevedra 16° 30°, Santiago de Compostela 13° 24°, Vigo 15° 29°
