jueves. 23.09.2021 |
El tiempo
jueves. 23.09.2021
El tiempo

Asasinan dun tiro na cabeza a un empresario ourensán en México

Centro Gallego de México. EP
Centro Gallego de México. EP

José González, cuñado do presidente do Centro Galego de México, foi tiroteado ás portas dun negocio seu

José González, un empresario ourensán de 72 anos, foi asasinado en México DF dun disparo na cabeza. A vítima era veciño de Beariz e estaba casado con Fifita Gulías, irmá do presidente do Centro Galego de México, Florencio Gulías.

O empresario foi tiroteado ás portas dun dos seus negocios. Os investigadores non descartan que os autores quixesen perpetrar un atraco e que este acabase co fatal desenlace para José González.

Natural do Carballiño, o empresario regresaba no verán á súa terra natal e era un habitual da festa que organiza en Avión outro coñecido emigrante galego en México: o millonario Olegario Vázquez Raña.

Asasinan dun tiro na cabeza a un empresario ourensán en México
comentarios