O corpo sen vida dun home foi localizado na noite do luns ao martes flotando no porto de Vilanova de Arousa, a un catro metros de terra. Foron os axentes da Garda Civil os que avisaron ao 112 Galicia da presenza do cadáver ás 5.10 horas. O falecido é un mariñeiro de 70 anos desaparecido na zona.
Recibida a alerta, a central do 112 Galicia informou ao 061, Salvamento Marítimo, Gardacostas de Galicia, Bombeiros do Salnés e Protección Civil. O persoal de Salvamento Marítimo recuperou o corpo sen vida do home. As forzas de seguridade tratan agora de esclarecer as circunstancias deste suceso.
Fontes da Garda Civil explicaron a Europa Press que unha muller chamara previamente porque non sabía nada do seu pai, un mariñeiro de 70 anos, desde o mediodía do luns.
