Un home de 42 anos de idade e veciño de Narón foi atopado en bo estado na madrugada deste mércores, horas despois de que se denunciase a súa desaparición, por un dos familiares que iniciara os labores de procura.
Segundo o 112 Galicia, a Policía Nacional transmitiu esta alerta e indicou que fora visto "por última vez ás 19:30 horas" deste martes "no seu domicilio". Os corpos de seguridade que buscaban ao home sinalaron que permanecía baixo tratamento por depresión.
Finalmente, García Martínez foi atopado por unha das súas irmás ao longo da noite e preto da súa casa, no barrio naronés do Ponto. Fontes policiais remarcaron que presentaba un bo estado de saúde e que foi remitido a un centro médico para ser sometido a un recoñecemento.
A Policía Local de Ferrol uniuse ás tarefas para ampliar o radio de procura.
