Atopan "fisicamente ben" á moza que desapareceu o sábado en Ordes

2019111700000435199
photo_camera A familia de Ánxela solicitaba este sábado á cidadanía que se informase ás forzas de seguridade en caso de contactar con ela.

A muller que había desparecido a mañá do sábado no municipio coruñés de Ordes foi atopada na parroquia de Santa Cruz de Montaos, tamén sita en Ordes, ao fío das 11,00 horas deste domingo. 

Segundo confirmaron fontes da Policía Local da localidade a Europa Press, os efectivos que participaban no operativo de procura atoparon a Ánxela Isabel Blanco Lesta "consciente e fisicamente ben" esta mañá. 

A muller desapareceu o sábado, por mor dun brote psicótico do que avisaron os familiares aos servizos de urxencias cando deron a voz de alarma. A Policía Local e a Garda Civil empezou a buscala na mesma xornada do sábado, cesaron a procura pola noite e esta mañá renovárona xunto con membros de Protección Civil e veciños da zona. 

Diversas fontes explicaron que Ánxela pasou a noite á intemperie e a esta hora da mañá os servizos de urxencia desprazáronse ata o lugar no que foi atopada para prestarlle auxilio. 

Con todo, "a situación aínda está sen controlar" e os axentes traballan para convencela de saír dese lugar e que acepte subirse a unha ambulancia. "Presenta algúns signos de hipotermia e frío", pero "está fisicamente ben", manifestou un membro de Protección Civil. 

Comentarios