Un atuneiro con base en Vigo, o Albacora 6, afundiuse este sábado pola tarde en augas do Atlántico. A bordo do barco, que leva bandeira de Curaçãou, viaxaban tripulantes galegos.
O naufraxio produciuse en Costa do Marfil. As causas do afundimento están a investigarse, pero todo apunta a que sufriu unha vía de auga. Foi un barco da mesma compañía, o Kurtzio, o que axudou os mariñeiros a porse a salvo.
As primeiras informacións apuntan a que o incidente se salvou sen vítimas mortais.
