Audasa, concesionaria da AP-9, incrementou os seus ingresos por peaxes nun 7,5% no primeiro semestre de 2019, ata 71,4 millóns, grazas ao crecemento de tráfico na Autoestrada do Atlántico e á subida das peaxes a principio de ano. O beneficio foi de 18,8 millóns neste periodo.
A compañía destaca que os resultados se conseguiron "aínda mantendo prezos por baixo da media de autoestradas de peaxe do Estado".
As contas presentadas este luns Comisión Nacional do Mercado de Valores (CNMV) de xaneiro-xuño de 2019 constatan un crecemento do tráfico do 2%, ata alcanzar os 23.117 vehículos de intensidade media diaria (IMD).
É a cifra máis elevada de circulación desde xuño de 2013, que supuxo o momento de menor nivel de tráfico. A compañía con sede social en Galicia pertence ao grupo Itínere e encadea seis exercicios en crecemento.
Desta forma, Audasa empeza a recuperar o investimento na ampliación de Rande, unha obra xudicializada tras a denuncia colectiva polo cobro de peaxes mentres duraron os traballos.
