Foi unha veciña a que alertou do sucedido. Tres nenos pequenos, de entre 1 e 6 anos, estaban a durmir na parte de atrás dun coche no municipio pontevedrés de Nigrán. Estaban sos e coas portas e fiestras pechados.
A Policía Local mobilizouse e deu co avó dos nenos, veciño de Gondomar, que se foi de copas e que non estaba en condicións de conducir o vehículo. Atopábase nun bar algo afastado e desde o que non podía ver o coche cos seus netos dentro, abandonados á súa sorte.
A Policía Local fíxose cargo dos nenos e avisou a Servizos Sociais. Mentres, un familiar ocupouse do vehículo. O avó quedara cos nenos mentres a nai deles foi traballar. Polo que se ve, non mostrou unha actitude moi responsable.
