Baltar rexistra a temperatura mínima de Galicia, con -6,8ºC

A xornada estará marcada polo vento forte

A localidade ourensá de Baltar rexistrou este martes a temperatura mínima de Galicia, con -6,8 graos centígrados, nunha xornada con aviso por refachos de vento superiores aos 70-80 quilómetros por hora. 

Segundo os rexistros de Meteogalicia até as 9.15 horas deste martes, recollidos por Europa Press, os termómetros tamén quedaron baixo cero noutros municipios ourensnos como Calvos de Randín, con -6,4ºC; Verín, con -4,3ºC; e Xinzo de Limia, con -4ºC; mentres que en Sarria tivo -3,7ºC

En canto ás localidades de montaña con altitude maior de 900 metros, as temperaturas mínimas máis significativas corresponderon a Pedrafita do Cebreiro, con -5,4ºC; seguida de Manzaneda, con -5ºC. Mentres, no concello ourensán de Carballeda de Valdeorras baixaron aos -4,3ºC e no lugués de Cervantes, aos -4,2ºC. 

Na xornada do luns a temperatura mínima da Comunidade galega rexistrouse en Manzaneda, con -7,5ºC, segundo os datos publicados por Meteogalicia.

O refacho de vento máximo da xornada do luns rexistrouse na localidade coruñesa de Cedeira, con 113,8 quilómetros por hora

VENTO. En canto ao vento, que mantén á maior parte de Galicia con aviso amarelo por refachos superiores aos 70-80 quilómetros por hora, segundo a zona, até as 9.15 horas o refacho máximo correspondeu a Cedeira (A Coruña), con 97,3 quilómetros por hora, rexistrado de madrugada. 

Ademais, o vento superou o 80 km/h en zonas como Cuntis, con 85,7 km/h; Malpica (A Coruña), con 85,4 km/h; Lousame (A Coruña), con 84,6 km/h; e Viveiro, con 82,9 km/h

O refacho de vento máximo da xornada do luns rexistrouse na localidade coruñesa de Cedeira, con 113,8 quilómetros por hora

Comentarios