A Carlos Ares, veciño da parroquia begontesa de Baamonde, gústalle recoller cogomelos, un costume recompensado este martes cun exemplar de exposición dunha variedade que ademais é comestible.
Nun paseo polos montes da zona do San Alberte, no límite entre Guitiriz e Begonte, atopouse cun boletus edulis que alcanzou os 1.650 gramos de peso. Un bo aliciente para manter viva a afección micolóxica.
