lunes. 08.03.2021 |
El tiempo
lunes. 08.03.2021
El tiempo

O BNG pide impostos a grandes fortunas para unha “saída xusta” da crise

Néstor Rego. SEBAS SENANDE
Néstor Rego. SEBAS SENANDE
Néstor Rego incidiu na importancia de recuperar “os 60.000 millóns do fondo de rescate bancario”

O deputado do BNG no Congreso, Néstor Rego, reclamou este mércores ao Goberno central “unha saída social e xusta” á crise económica tras a pandemia, que pediu que se financie “con impostos ás grandes fortunas, recortes no gasto militar e a recuperación do fondo do rescate bancario.

“Hai dúas alternativas para obter os recursos necesarios para saír desta crise: quitarllos aos que menos teñen pola vía dos recortes, da redución de salarios e prestacións sociais, privatizando servizos públicos e socializando as perdas das grandes empresas ou, no seu lugar, que os poñan os que máis teñen“, apuntou Rego.

Así o manifestou desde a tribuna do Congreso nunha interpelación urxente dirixida á vicepresidenta terceira e ministra de Asuntos Económicos e Transformación Dixital, Nadia Calviño, a quen pediu que a crise “non a volvan a pagar outra vez os mesmos, os traballadores e os pobos”.

Ante o que interpretou como “a ausencia de propostas de futuro” por parte do Goberno, o deputado nacionalista ha incidido na importancia de recuperar “os 60.000 millóns do fondo de rescate bancario” que, sumando “o total de axudas entre activos tóxicos, garantías e outras medidas de liquidez, superaron os 186.000 millóns”.

Rego tamén chamou a reducir de forma “urxente” o gasto militar, tendo en conta que o gasto neste ámbito “superou os 20.000 millóns de euros” en 2019

“É necesaria unha profunda reforma tributaria para implantar unha política fiscal realmente progresiva e redistributiva e garantir unha maior xustiza a través do establecemento dun imposto ás grandes fortunas e empresas, como xa se está debatendo en Arxentina ou Italia”, proseguiu.

Así mesmo, Rego apostou pola “nacionalización das grandes corporacións e sectores estratéxicos da economía”, empezando “polas que xa foron públicas e nunca deberon ser privatizadas”, a condición de que esta non “sexa temporal, que é o eufemismo que adorna a vella receita neoliberal de socializar perdas e privatizar ganancias”.

Deste xeito, e ante a previsión do Goberno central de establecer “axudas á aerolínea Iberia”, o parlamentario nacionalista preguntou se o Estado “controlará a aerolínea ou simplemente dedicaranse recursos públicos esenciais para impulsar a protección social e a economía produtiva a resolver os problemas dunha empresa privada”.

Por outra banda, Rego tamén chamou a reducir de forma “urxente” o gasto militar, tendo en conta que o gasto neste ámbito “superou os 20.000 millóns de euros” en 2019 e, ante a actual situación, é “cuestión de prioridades”.

“Se queremos capacidade para decidir é, precisamente, para poder non só reconstruír, senón para construír unha sociedade nova, xusta, igualitaria e libre”

“O programa de Eurofighter, cun importe de 12.500 millóns de euros, equivale a 25 hospitais”, ha ejemplificado o deputado, quen pediu ao Goberno central “que explique ás clases populares golpeadas pola crise que os tanques van antes que os salarios, as pensións dignas ou a comida sobre a mesa”.

En todo caso, o representante do BNG no Congreso dos Deputados insistiu en que “a solución aos problemas sociais e económicos de Galicia non vai vir desde Madrid”, polo que “son necesarias transformacións na estrutura política do Estado para recoñecer os dereitos das nacións a percorrer o seu propio camiño”.

“Se queremos capacidade para decidir é, precisamente, para poder non só reconstruír, senón para construír unha sociedade nova, xusta, igualitaria e libre”, engadiu Rego, quen reclamou tamén unha modificación do actual sistema de financiamento autonómico, que resulta “gravemente lesivo para os intereses de Galicia”, e implantar “un modelo de concerto económico”.

O BNG pide impostos a grandes fortunas para unha “saída xusta” da...
comentarios