Os bombeiros de Vigo cortan o aro que atrapaba o pene dun home

Acudiu ao hospital tras non poder librarse do xoguete en varias horas. Usaron unha rebarbadora de precisión
Anillos para el pene. AEP
photo_camera Aneis para o pene. AEP

Os bombeiros de Vigo tiveron que realizar unha insólita intervención na noite do luns. Logo de recibir unha chamada desde o Hospital Álvaro Cunqueiro, acudiron pertrechados cunha rebarbadora de precisión para cortar o anel erótico que tiña aprisionado o pene dun home, quen se viu incapaz de liberarse do xoguete.

A intervención produciuse despois de que a vítima acudise ao hospital tras levar xa varias horas co membro preso, o que lle provocaba unha importante hinchazón debido á interrupción da circulación sanguínea na zona. O equipo médico non conseguiu resolver o agravio, polo que se viron obrigados a recorrer ao corpo de bombeiros e a súa maquinaria de precisión.

ANTECEDENTES EN FERROL. Non é a primeira vez que ocorre unha situación semellante en Galicia. Hai tres anos, por estas datas, outro home, duns 45 anos, tivo que desprazarse ata o Hospital Arquitecto Marcide de Ferrol cun problema idéntico. Os facultativos requiriron tamén a actuación dos bombeiros ante o risco que a falta de fluxo sanguíneo supuña para o pene do afectado.

Debido á dureza do metal do anel —unha ferramenta usada habitualmente para manter unha erección durante máis tempo, previr a eyaculación e provocar un estímulo sexual—, empregaron unha serra radial de precisión para rompelo sen provocar danos ao paciente.