jueves. 02.12.2021 |
El tiempo
jueves. 02.12.2021
El tiempo

O bono turístico da Xunta inxectou preto de 300.000 euros na ponte do Pilar

Varias persoas camiñan pola rúa do Franco, en Santiago de Compostela. ARXINA
Varias persoas camiñan pola rúa do Franco, en Santiago de Compostela. ARXINA
O Goberno galego confirma a "reactivación do sector en Galicia logo dun verán no que se superaron os rexistros do ano 2019"

O bono turístico da Xunta supuxo unha inxección de 282.647 euros durante o ponte do Pilar, o que a xuízo do Goberno galego confirma "a reactivación do sector en Galicia logo dun verán no que se superaron os rexistros do ano 2019".

O gasto feito polos usuarios do bono nestes días festivos coincide cunha ocupación nos establecementos hostaleiros que, nalgunhas localidades turísticas, "achegouse ao cento por cento da súa capacidade".

Entre o venres 8 e o martes 12 de outubro, realizáronse 1.475 operacións co bono turístico, por un importe de compras de 282.647 euros.

Isto supón cerca do 14 por cento da actividade dunha iniciativa, a do cartón #QuedamosEnGalicia posta en marcha pola Xunta para reactivar o sector.

En total, desde o mes de xuño e o 12 de outubro realizáronse 10.447 operacións cun importe de compras de 2.118.641 euros.

As previsións da Xunta pasan por mobilizar a través do bono turístico 7,8 millóns de euros no sector en todo 2021.

O bono turístico da Xunta inxectou preto de 300.000 euros na ponte...
comentarios