O sorteo da Bonoloto celebrado este mércores sorriu por partida dobre a Galicia, cun premio de 58.221 euros en Bueu e outro idéntico en Vigo. Validáronse alí dous dos tres boletos agraciados con premios de segunda categoría, por cinco acertos máis o número complementario.
A combinación gañadora é a formada polos números 3, 7, 11, 34, 38 e 45. O complementario é o 19 e o reintegro, o 2. Rexistrouse un único boleto con seis acertos, validado no despacho receptor número 12.885 de Cerdanyola do Vallès, en Barcelona. O seu dono percibirá un premio de 623.139 euros.
No caso dos de segunda categoría, o boleto selado en Bueu rexistrouse na administración de loterías número 1, na rúa Eduardo Vicenti. O de Vigo, na número 23, na Travesía de Vigo. Ademais destes dous, hai outro boleto con cinco acertos e o número complementario, validado en Alcudia de Crespin (Valencia).
