A protectora Proanimales Carballiño pide axuda para localizar a 'Matías', un can que escapou dunha casa de acollida tras ser operado dunha perna. Os voluntarios da protectora do Carballiño búscano sen cesar desde o pasado venres.
A gravidade da desaparición de Matías é que leva uns ferros nunha das súas pernas e necesita medicación. A través das redes sociais, os voluntarios puxéronse en contacto cunha persoa de Compostela que ten un dron con cámara que está a axudar na procura.