Buscan un home desaparecido desde o martes en Muros

As súas zapatilals foron lozalizadas nas inmediacións dun río

Un veciño da parroquia de Esteiro, no municipio coruñés de Muros, permanece desaparecido desde a tarde do martes, na que se atoparon as súas zapatillas nas inmediacións dun río. 

Segundo informaron fontes de Protección Civil, foi a familia do home a que avisou da falta deste veciño, duns 60 anos, e que se puido desorientar. 

Pola súa banda, o CIAE 112 Galicia informou de que membros do Grupo de Apoio Loxístico (GALI) da Axencia Galega de Emerxecias uníronse na tarde deste mércores no operativo de procura. 

No operativo de emerxencias tamén participou unha unidade canina de rescate da Garda Civil, así como efectivos deste corpo, o GES de Muros e veciños da localidade.