domingo. 25.07.2021 |
El tiempo
domingo. 25.07.2021
El tiempo

O cadáver achado nunha praia de O Grove é o dun portugués desaparecido en Oporto

La urbanización de Raeiros, en O Grove, afectada por la orden de demolición. XUNTA
A praia de Raeiros, onde apareceu o cadáver o pasado mes de novembro. XUNTA

Sospeitan que o home morreu en Oporto e que as correntes trasladaron o seu corpo ata a praia de Raeiros, onde foi atopado o pasado mes de novembro

O cadáver achado a finais do pasado mes de novembro na praia de Raeiros (O Grove, Pontevedra) pertence a un cidadán de orixe portuguesa que desaparecera en Oporto "uns seis ou oito días antes", segundo confirmou a Garda Civil.

O coronel xefe da comandancia de Pontevedra, Jorge González Veiga, explicou que a unidade de criminalística da Garda Civil comunicou nas últimas horas a identidade do falecido, un home de 73 anos.

As súas pegadas dactilares, que tiveron que ser reconstruídas parcialmente polo mal estado no que se atopaba o cadáver, coinciden coas deste home, cuxa desaparición fora denunciada no Porto.

As autoridades portuguesas confirmaron a identidade, polo que o caso "está pechado".

Os investigadores sospeitan, segundo González Veiga, que o home morreu no Porto ou preto desta cidade portuguesa e que as correntes do Atlántico trasladaron o seu corpo ata O Grove.

O responsable da comandancia pontevedresa asegura que aínda que a distancia entre ambos os puntos "é grande", xa sucedeu algo parecido fai 17 anos cando o corpo de varios dos pasaxeiros dun autobús que caeu ao río Douro na localidade portuguesa de Entre-vos-Ríos apareceron na Costa da Morte galega. 

O cadáver achado nunha praia de O Grove é o dun portugués...
comentarios