miércoles. 28.10.2020 |
El tiempo
miércoles. 28.10.2020
El tiempo

Unha campaña da Xunta percorrerá Galicia no verán para promover un turismo seguro

El consenlleiro de Cultura, Román Rodrí­guez, visita la oficina de la campaña. EUROPA PRESS
El consenlleiro de Cultura, Román Rodrí­guez, visita la oficina de la campaña. EUROPA PRESS
A iniciativa comeza este mércores en Santiago de Compostela, continuará en Ferrol e iniciará o mes de agosto na Coruña
A Xunta puxo en marcha unha campaña itinerante de concienciación que percorrerá Galicia durante o verán para informar os galegos das medidas postas en marcha para garantir un turismo seguro no actual contexto sanitario, así como os recursos turísticos dispoñibles. 

O conselleiro de Cultura e Turismo en funcións, Román Rodríguez, visitou este mércores a primeira das accións desta campaña enmarcada na iniciativa 'Galicia destino seguro' na Alameda de Santiago, onde se situou unha unidade móbil que funciona a modo de oficina de turismo. 

O espazo informativo está atendido por profesionais da información turística e tamén difunde o destino, pondo en valor recursos como o Camiño de Santiago, a paisaxe, a natureza, a enogastronomía ou o patrimonio cultural.

A MARIÑA, RÍAS BAIXAS E RIBEIRA SACRA. Prevese que a campaña percorra Galicia e que estea presente nas sete cidades galegas e nos municipios turísticos con maior densidade de poboación, que superen os 10.000 habitantes. 

Así, tras Santiago de Compostela, onde estará a xornada este mércores, continuará en Ferrol e iniciará o mes de agosto en A Coruña. Despois, continuará o resto da campaña en localidades que incluirán destinos como A Mariña lucense, a Ribeira Sacra, así como varios destinos costeiros. 

En concreto, está previsto que en agosto visite Ribeira, Rianxo, Betanzos, Lugo, Monforte, Sarria, Viveiro, Ourense, O Carballiño, Poio, Pontevedra, Sanxenxo, O Grove, Cambados, Vilagarcía de Arousa, Cangasdo Morrazo, Vigo, Nigrán, Baiona e Tui.

PROGRAMA 'ELIXE GALICIA'. Por outra banda, a Consellería de Cultura e Turismo informou de que case 4.500 galegos participarán desde setembro na primeira edición do programa da Xunta para o fomento do turismo interno 'Elixe Galicia'. 

A iniciativa, que foi lanzada a principios de anos e tivo que modificar o seu calendario coa declaración do estado de alarma, acaba de publicar a lista dos beneficiarios desta convocatoria, un total de 4.331, que se pode consultar na páxina web de Turismo de Galicia

En total 'Elixe Galicia' beneficiará ao colectivo de mozos menores de 30 anos, familias con fillos menores de idade e pensionistas maiores de 55 anos, que poderán gozar de estancias en zonas costeiras, rutas de patrimonio cultural, rutas de natureza e estancias en balnearios. 

Os beneficiarvos deberán formalizar o seu reserva nas axencias de viaxe comercializadoras do programa no prazo máximo de 15 días hábiles, desde este mércores, pagando o 20% da cantidade que se lles fixa como prezo no momento de efectuar ao seu reserva. 

'Elixe Galicia' estaba ideada para poder comezar as viaxes o pasado mes de abril. A declaración de estado de alarma e as consecuentes restricións de mobilidade supuxeron unha modificación da súa programación. Por iso, as datas deste ano, que inicialmente deberían comezar en abril, trasládanse agora do 15 setembro ata finais de anos. 
 

Unha campaña da Xunta percorrerá Galicia no verán para promover un...
comentarios