A Garda Civil detivo a catorce persoas nunha operación aínda aberta que leva a cabo en nove provincias contra presuntos amaños de partidos de tenis e de apostas fraudulentas, segundo informaron a Efe fontes da investigación.
O xuíz da Audiencia Nacional José de la Mata dirixe esta operación, que se centra en partidos de tenis das categorías ITF Futures e Challenger, segundo as mesmas fontes, que precisaron que, en principio, non hai involucrado ningún tenista de renome.
A operación iniciouna a Unidade Orgánica de Policía Xudicial da Comandancia da Garda Civil de Madrid contra unha trama á que se lle atribúe, entre outros, delitos de organización criminal, branqueo de capitais e estafa continuada.
Coa colaboración de Europol, a operación desenvólvese nas provincias de Pontevedra, Madrid, Barcelona, Tarragona, Valencia, Alacante, Murcia, Málaga e Oviedo.
De momento, non transcenderon máis detalles desta operación, que se seguirá desenvolvendo polo menos este martes.